கொக்கரக்கோ சேவல் ஒண்ணு
சத்தமாக கூவுதம்மா
சத்தமாக கூவியதால்
நித்திரையும் கலைந்ததம்மா!
கிழக்காலே சூரியனும்
காலையிலே தோணுதம்மா
காலையிலே தோணுகையில்
தாமரைப்பூ பூக்குதம்மா!
மேற்காலே சூரியனும்
மாலையிலே மறையுதம்மா
மாலையிலே மறைகையில்
அல்லிமலர் பூக்குதம்மா!
வடக்காலே இமயமும்
வானுயர நிக்குதம்மா
வானுயர நிக்குமது
இந்தியாவைக் காக்குதம்மா!
தெற்காலே குமரியில்
முக்கடலின் சங்கமமம்மா
முக்கடலின் சங்கமத்தில்
வள்ளுவரின் சிலையம்மா!
3 கருத்துகள்:
Nalla irukkuthu unkal kavi padal
ஒவ்வொரு திசையைப் பற்றியும் சிந்தித்து, அழகாக கவிதை படைத்துள்ளீர்கள்...
தொடர வாழ்த்துக்கள்... நன்றி...
நல்ல உவமைப்பாடல்.வாழ்த்துக்கள்.
கருத்துரையிடுக