மாமா உகெகா அகோபச என்றால் என்ன?

ஆசிரியர்:மாமா உகெகா அகோபச

என்றால் என்ன தெரியுமா?

மாணவர்கள்:மாறி மாறிலி உறுப்பு

கெழு காரணி அடுக்கு

ஆசிரியர்:அப்புறம்?

மாணவர்கள்:கோவை படி சமன்பாடு

முதல் எழுத்தை பாருங்கய்யா!

ஆ:மாறிக்கு உதாரணம் தெரியுமா?

மா:a,b,c,d,x,y,z…

ஆ:மாறிலிக்கு உதாரணம் தெரியுமா?

மா:1,2,3,4…

ஆ:உறுப்புக்கு உதாரணம் தெரியுமா?

மா:a என்பது ஓர் உறுப்பு

a+b ஈருறுப்பு

a+b+c என்பது மூவுறுப்பு கொண்டது.

a+b+c+d என்பது பல்லுறுப்பு கொண்டது

ஆ:கெழுவுக்கு உதாரணம் தெரியுமா?

மா: 3x இன் கெழு 3

x இன் கெழு 1

1/2x இன் கெழு 1/2

-x இன் கெழு -1

ஆ:காரணிக்கு உதாரணம் தெரியுமா?

மா:2x என்பதில் 2ம் xம் காரணிகள்

ஆனால் அது ஓர் உறுப்பு!

5ab என்பதிலே 5 மற்றும் a மற்றும் b என்று

மூன்று காரணிகள் உள்ளன!

ஆனால் அது ஓர் உறுப்பு!

ஆ:அடுக்குக்கு உதாரணம் தெரியுமா?

மா:x இன் அடுக்கு 1

x2 இன் அடுக்கு 2

ஆ:கோவைக்கு உதாரணம் தெரியுமா?

மா:a என்பது ஓர் உறுப்பு கோவை

a+b ஈருறுப்பு கோவை

a+b+c என்பது மூவுறுப்பு கோவை.

a+b+c+d என்பது பல்லுறுப்பு கோவை

ஆ:படிக்கு உதாரணம் தெரியுமா?

மா:x3+x2+x+1 என்ற கோவையிலே

3 என்ற உயர்ந்த அடுக்கே

கோவையின் படி எனப்படும்!

ஆ:சமன்பாட்டுக்கு உதாரணம் தெரியுமா?

மா:சமக்குறியால் கோவைகளை

இணைத்தால் கிடைக்கும் சமன்பாடு!

x+y=25

ஆ:அருமை அருமை மாணவர்களே!