குறுஞ்செய்திகள்-94

நீதான் 

கூட்டைக் கலைத்து 

வீட்டை சுத்தமாக்கும்படி

கேட்டுக்கொண்டாய்!  

இப்போது 

குருவியின் சாபத்திற்கு 

ஆளாவேனென்று 

பயமுறுத்துகிறாயே!

குறுஞ்செய்திகள்-93

எப்படித்தான் 

உன் விடைத்தாளைத் திருத்தி 

மதிப்பெண் போடுகிறார்களோ?

எப்போதுமே 

நான் ஒரு கேள்வி கேட்டால் 

நீ ஒரு பதில் சொல்வாய்!

குறுஞ்செய்திகள்-92

அடியே! கணக்கு உனக்கு 

ஆமணக்கு!

இருந்துவிட்டு போகட்டும்!

அநியாயத்துக்கென்று

முக்கோணத்துக்கு

எத்தனை கோணமென்றா கேட்பது?

குறுஞ்செய்திகள்-91

என்னவளே 

சொன்னால் கேள்!

சும்மா பிள்ளையாரையே 

சுற்றிக் கொண்டிருக்காதே!

அப்புறம் அவர்
உன்னைத்தான் பிடித்திருக்கிறது

என்று அவர் அம்மாவிடம் 

சொல்லித் தொலைக்கப் போகிறார்! 

குறுஞ்செய்திகள்-90

என்ன அழகு!

என்று வியந்தால்

கேலி பேசுவதாய்

கோபித்துக்கொள்கிறாய்!

என்ன அறிவு!

என்று வியந்தால்

கிண்டல் செய்வதாய்

கோபித்துக்கொள்கிறாய்!

அடிப்பாவி!

உண்மையை சொல்!

உனக்கு இரண்டுமிருப்பதாய்

நம்பிக்கொண்டிருக்கிறேன்!