அரசுப்பள்ளி...

பல்லவி

அன்னா ஆவன்னா சொல்லிக் கொடுத்தது அரசுப் பள்ளிதான்
எங்கள் அணு விஞ்ஞானி அப்துல் கலாமும் அரசுப் பள்ளிதான்

அன்னா ஆவன்னா சொல்லிக் கொடுத்தது அரசுப் பள்ளிதான்
எங்கள் அணு விஞ்ஞானி அப்துல் கலாமும் அரசுப் பள்ளிதான்

உணவைத் தந்ததும் இப்பள்ளிதான்
உடையைத் தந்ததும் இப்பள்ளிதான்

உணவைத் தந்ததும் இப்பள்ளிதான்
உடையைத் தந்ததும் இப்பள்ளிதான்

குப்பனும் சுப்பனும் படித்து வளர்ந்தது அரசுப் பள்ளிதான்
அட சாதியும் பேதமும் இல்லாத ஓரிடம் அரசுப் பள்ளிதான்

குப்பனும் சுப்பனும் படித்து வளர்ந்தது அரசுப் பள்ளிதான்
அட சாதியும் பேதமும் இல்லாத ஓரிடம் அரசுப் பள்ளிதான்

சரணம்-1

கையிலே காசில்லா
ஏழைங்க யாரும்
படிப்பதெப்படி சொல்லுங்க நீங்க

அரசுப்பள்ளி வாசலையே மிதித்துவிட்டால் போதும்
அத்தனையும் இலவசம்தான் வாங்க

கட்டணக் கொள்ளை
 மனப்பாடத் தொல்லை
 தனியார்ப் பள்ளியில்
நிறைஞ்சிருக்கு

அரசுப் பள்ளி
 இருப்பதால் தானே
அனைவருக்கும் கல்வி
கிடைச்சிருக்கு

அட பள்ளிக்கூடம் வரமாச்சு படிப்பெல்லாம் உரமாச்சு
அரசுப்பள்ளி யாலே மாணவர்
வாழ்க்கை தரமாச்சு

அட அரசுப்பள்ளி யாலே மாணவர் வாழ்க்கை தரமாச்சு!

சரணம்-2

ஏகப்பட்ட தன்னலமற்ற
நாட்டுப்பற்று இளைஞர்கள்
அரசுப்பள்ளி கொடுத்தது உண்மை

அரசுப்பள்ளி இருந்ததால்தான்
அடுப்படியைத் தாண்டி
புத்தகத்தை ஏந்தியது பெண்மை

இரவு பகல் உழைத்து
 காசு பணம் சேர்த்து
 தனியாரில் சேர்ப்பது
நட்டமுங்க

வாழ்க்கைக்கு இங்கே
 தன்னம்பிக்கை வேணும்
 அரசுப் பள்ளியே
கொடுக்குமுங்க

கல்வி நமது உரிமையாகும்
 கேட்டுப் பெறுவது கடமையாகும்
தனியார் பள்ளியில்
தண்டம் அழுவது
 நமது மடமையாகும்

அட தனியார் பள்ளியில்
தண்டம் அழுவது
 நமது மடமையாகும்!

-கு.சீனுவாசன் ப.ஆ

இந்திரன் வந்ததும் சந்திரன் வந்ததும் இந்த சினிமாதான்...பாடல் மெட்டு

மெட்டுப்பாடல்-37

தமிழ்த்தாயை அழைக்காத வாயில்லையே!

தமிழ்த்தாயை அழைக்காது வாழ்வில்லையே!

இன்றும் என்றும் தமிழ்ப்போல

பொன்றா புகழ்க்கொண்ட வேற்று மொழி ஏது?

சங்கங்கள் வளர்த்தவள் நீ சிந்தையிலே நிறைந்தவள் நீ

காப்பியனை ஈன்றவளும் நீதானம்மா

அன்புடைய அகத்தாள் நீ போருடைய புறத்தாள் நீ

உலகத்தின் பொதுமறையே நீதானம்மா

காவியங்கள் கொண்டவள் நீ கணினியையும் கண்டவள் நீ

தீதும் நன்றும் உரைத்தவளே நீதானம்மா

செம்மொழியாய் ஆனவள் நீ மின்மொழியாய் ஆனவள் நீ

உலகத்தின் முதல் மொழியே நீதானம்மா

உன்னாலே வளர்ந்தோமே!

எழுத்தும் நீ சொல்லும் நீ பொருளும் நீ யாப்பும் நீ

அணியோடு அழகாக இருக்கின்றாய் நீ

மேகலை நீ சிலம்பும் நீ வளையும் நீ குண்டலம் நீ

மணியோடு காப்பியமாய் இருக்கின்றாய் நீ

அமுதாக இயலோடும் இசையோடும் நாடகத்தை

இப்போதும் தந்தபடி இருக்கின்றாய் நீ

அறத்துக்கும் பொருளுக்கும் மகிழ்வுக்கும் அலங்காரம்

எப்போதும் செய்தபடி இருக்கின்றாய் நீ

உன்னாலே சிறந்தோமே!

(அம்மா என்றழைக்காத உயிரில்லையே என்ற பாடல் மெட்டு)

மெட்டுப்பாடல்-36

சகியே உன்னை மறந்து விட்டேன்

வாழும் பொழுதிலே இறந்து விட்டேன்

புதிதாய் இன்று பிறந்து விட்டேன்-அந்த

பழைய நினைவுகளை துறந்து விட்டேன்

உந்தன் முகவரி தொலைப்பதற்கு

எத்தனை தவங்கள் புரிவதடி?

மறதியை படைத்த இறைவனுக்கு

நன்றி நன்றி நன்றியடி!

துல்லியமாக அந்த நொடி

நினைத்துப் பார்த்தேன் நினைவில் இல்லை

மெல்லியதாக மீசை முடி

அரும்பிய நாட்கள் அது உறுதி!

அந்த நாள் முதல் இன்று வரை

உந்தன் பெயரைக் கேட்ட உடன்

சட்டென்று மின்னல் வெட்டுவதை நான்

எங்கனம் எங்கனம் ஒளித்து வைப்பேன்?

திடும் என பாம்பினை பார்த்தவுடன்

படக்கென்று துள்ளிக் குதித்ததுண்டா?

சுடும் ஒரு பொருளினை தொட்டவுடன்

வெடுக்கென்று விரல்களை இழுத்ததுண்டா?

அறிவியல் உலகம் இதன் பெயரை

அனிச்சை செயல் என்று சொல்கிறது!

அனிச்சை செயலைப் போல் உன்நினைவு

தானாய் நிகழ்ந்து கொல்கிறது!

(எவனோ ஒருவன் வாசிக்கிறான் என்ற பாடல் மெட்டு)

தமிழ்த்தாய் வாழ்த்து

தமிழை அரியணை ஏற்றிடுவோம்-அதன்

தொன்மையை நாளும் போற்றிடுவோம்!

மூச்சென தமிழ்ப்பணி ஆற்றிடுவோம்-அதை

முயற்சிக்க மறந்தால் தோற்றிடுவோம்!

ஆயிரமாயிரம் மொழிகள் இருப்பினும்

தமிழின் அழகுக்கு ஈடுஇல்லை!

அன்னைத் தமிழுக்கீடாய் எவரும் கொடுத்திட

உலகில் எதுவும் வேறுஇல்லை!

அவள் கால்கள் கடந்து போகும் பாதை

அது முடிவேயின்றி இன்னும் நீளட்டுமே!

இந்த மண்ணில் முத்தமிழ் என்றென்றுமே

நித்தம் நிலைபெற்று நம்மை ஆளட்டுமே!

சங்கங்கள் வளர்த்தவள் வாழியவே!

சிந்தையில் நிறைந்தவள் வாழியவே!

அன்புடை அகத்தாள் வாழியவே!

போருடை புறத்தாள் வாழியவே!

அவள் கால்கள் கடந்து போகும் பாதை

அது முடிவேயின்றி இன்னும் நீளட்டுமே!

இந்த மண்ணில் முத்தமிழ் என்றென்றுமே

நித்தம் நிலைபெற்று நம்மை ஆளட்டுமே!

காப்பியம் கொண்டவள் வாழியவே!

கணினியை கண்டவள் வாழியவே!

செம்மொழி ஆனவள் வாழியவே!

மின்மொழி ஆனவள் வாழியவே!                  

அவள் கால்கள் கடந்து போகும் பாதை

அது முடிவேயின்றி இன்னும் நீளட்டுமே!

இந்த மண்ணில் முத்தமிழ் என்றென்றுமே

நித்தம் நிலைபெற்று நம்மை ஆளட்டுமே!

(ஆனந்த யாழை மீட்டுகிறாய்-தங்க மீன்கள் பாடல் மெட்டு)

மெட்டுப்பாடல்கள்-34

சின்னஞ்சிறு விதையினிலே
அடேங்கப்பா ஆலமரம்
சிறிய உருவமென்றால்
ஏளனமாய் நினைக்கலாமா?
நாம் ஓங்கி வளர்ந்திடவும்
ஓங்காமல் கிடந்திடவும்
உருவமொரு காரணம் இல்லை

வெள்ளை நிற காத்தாடி
உயரத்திலே பறக்கையிலே
கருப்பு நிறம் என்றால்
பறக்காமல் போய் விடுமா?
நாம் மேலே எழுந்திடவும்
கீழே விழுந்திடவும்
நிறமொரு காரணம் இல்லை

காந்தம் போல தனித்தன்மை
எல்லோருக்குள்ளும் உள்ளிருக்கும்
தன்னை அறிந்துகொண்டால்
தனித்தன்மை விளங்கிடாதோ?
காந்தம் இரண்டாய் போனாலும்
துண்டாய் போனாலும்
தனித்தன்மை மாறுவதில்லை

தூங்கவிடா கனவு ஒன்று
வரும் வரைக்கும் தூங்காதிரு
கனவு தினம் கண்டால்
நனவாவது நிச்சயம் அன்றோ?
விழிகள் ஏக்கம் கொண்டாலும்
தூக்கம் கொண்டாலும்
சிவக்காமல் விடிவு இல்லை

உறுதியான எண்ணம் கொண்டு
உண்மையாக பாடுபடு
மனித மனம் நினைத்தால்
அடைந்தே தீரும் அன்றோ?
நாம் கடமைக்கு செய்தாலும்
கடமையாக செய்தாலும்
உழைப்பின்றி வெற்றி இல்லை

(சொய் சொய் பாடல் மெட்டு)

மெட்டுப்பாடல்கள்-33

யாரும் பிறந்ததுண்டா?-இங்கு

யாரும் பிறந்ததுண்டா?

தாயை போல இங்கு

தரணியிலே வந்து

உடலும் உயிருமாய்

மானுட தெய்வமாய்

யாரும் பிறந்ததுண்டா?-இங்கு

யாரும் பிறந்ததுண்டா?

*

அண்டை மனிதருடன்

சொந்த பந்தம் போல்

அன்பு காட்டுவாயே!

சுற்றுப்புறம் எல்லாம்

சொந்த வீடு போல்

சுத்த மாக்குவாயே!

கைகள் இருக்கையில்

கடவுள் தந்தாலும்

கையேந்த கூடாதென்பாய்!

கடனை வாங்கினால்

கடமை தவறினால்

கவலை வாட்டுமென்பாய்!

தன்னை அறிய சொன்னாய்

பிறரை புரிய சொன்னாய்

வாழும் வாழ்க்கை முறையை

வகுத்து கொள்ள சொன்னாய்!

*

பொய்யே பேசாமல்

திருடிப் பிழைக்காமல்

வாழச் சொன்னாயம்மா!

உழைப்பு ஒன்றுதான்

உயிரின் மூச்சென

வாழ்ந்து சென்றாயம்மா!

விட்டுக் கொடுக்கவும்

உறவைப் பேணவும்

கற்றுக் கொடுத்தாயம்மா!

இந்தஊரு வியக்கும்படி

உனது புகழை இங்கு

விட்டுச் சென்றாயம்மா!

தன்னை அறிய சொன்னாய்

பிறரை புரிய சொன்னாய்

வாழும் வாழ்க்கை முறையை

வகுத்து கொள்ள சொன்னாய்!

*

(குறிப்பு: நாடு பார்த்ததுண்டா?-இந்த நாடு பார்த்ததுண்டா? என்ற பாடல் மெட்டு)

மெட்டுப்பாடல்கள்-32

Why This Kolaveri Di Lyrics

தோத்த பசங்களே! நான் பாடுறேன்! பாட்டு!

உனக்கேத்த பாட்டு!

நாந்தோத்த பாட்டு!

ஏன் இந்த கொலவெறி கொலவெறி கொலவெறி டி!

ஏன் இந்த கொலவெறி கொலவெறி கொலவெறி டி!

சரியான மெட்டு!

ஏன் இந்த கொலவெறி கொலவெறி கொலவெறி டி!

அப்படியே தட்டு!

ஏன் இந்த கொலவெறி டி!

தூரத்துல நிலவு நிலவு

நிலவின் வண்ணம் வெளுப்பு!

வெளுப்பின் பின்னணி இருளு இருளு

இருளின் வண்ணம் கருப்பு!

ஏன் இந்த கொலவெறி கொலவெறி கொலவெறி டி!

ஏன் இந்த கொலவெறி கொலவெறி கொலவெறி டி!

வெள்ள தோலு பொண்ணு பொண்ணு

பொண்ணு இதயம் இருட்டு!

கண்ணும் கண்ணும் பார்த்து பார்த்து

வாழ்க்கை போனது திருட்டு!

ஏன் இந்த கொலவெறி கொலவெறி கொலவெறி டி!

ஏன் இந்த கொலவெறி கொலவெறி கொலவெறி டி!

மாமா குறிப்பு எடுத்துக்கோ

அப்படியே கையில சாக்ஸ் எடுத்துக்கோ

பா பா பா பா பா பா பா பா பா பா பா பா

சரியா வாசி!

அருமை மாமா! தயார்!

தயார்! 1 2 3 4!

ஆகா! என்ன ஒரு ஏற்றமான மாற்றம் மாமா!

சரி மாமா! இப்போ மெட்ட மாத்து!

கையில க்ளாசு!

தமிழ் மட்டும்!

கையில கோப்பை

கோப்பையில் தண்ணீர்

கண்கள் ரெண்டிலும் கண்ணீர்!

வெத்து வாழ்க்கையா

பொண்ணால்தான் ஆச்சு!

வாழ்க்கை பின்னால் போச்சு!

காதல் காதல்

என்னோட காதல்

உன்னால் ஏமாத்தம் ஆச்சு!

மாதா மாதா கோமாதா

தோதா தோதா ஆகுமா? தோதா!

கடவுளே நானும் சாகப்போறேன்!

காப்பாத்து அவளை சந்தோஷமாக!

தோத்த பசங்களுக்கு பாட்டு புரியும்!

எங்களுக்கு வேறென்ன தெரியும்!

ஏன் இந்த கொலவெறி கொலவெறி கொலவெறி டி!

ஏன் இந்த கொலவெறி கொலவெறி கொலவெறி டி!

ஏன் இந்த கொலவெறி கொலவெறி கொலவெறி டி!

ஏன் இந்த கொலவெறி கொலவெறி கொலவெறி டி!

yo boys i am singing song

soup song
flop song
why this kolaveri kolaveri kolaveri di
why this kolaveri kolaveri kolaveri di
rhythm correct
why this kolaveri kolaveri kolaveri di
maintain this
why this kolaveri..di

distance la moon-u moon-u
moon-u color-u white-u
white background night-u nigth-u
night-u color-u black-u

why this kolaveri kolaveri kolaveri di
why this kolaveri kolaveri kolaveri di

white skin-u girl-u girl-u
girl-u heart-u black-u
eyes-u eyes-u meet-u meet-u
my future dark

why this kolaveri kolaveri kolaveri di
why this kolaveri kolaveri kolaveri di

maama notes eduthuko
apdiye kaila sax eduthuko
pa pa paan pa pa paan pa pa paa pa pa paan
sariya vaasi
super maama ready
ready 1 2 3 4

whaa wat a change over maama

ok maama now tune change-u

kaila glass
only english..

hand la glass
glass la scotch
eyes-u full-aa tear-u
empty life-u
girl-u come-u
life reverse gear-u
lovvu lovvu
oh my lovvu
you showed me bouv-u
cow-u cow-u holi cow-u
i want u hear now-u
god i m dying now-u
she is happy how-u

this song for soup boys-u
we dont have choice-u

why this kolaveri kolaveri kolaveri di
why this kolaveri kolaveri kolaveri di
why this kolaveri kolaveri kolaveri di
why this kolaveri kolaveri kolaveri di

மெட்டுப்பாடல்கள்-31

உன் கண்ணின் மணியாக

என்னை வைத்தாயே!

உன் நெஞ்சுக் கூட்டோடு

என்னை தைத்தாயே!

நான் உனக்கோர் அடையாளம்

உன்னை காக்கும் கடிவாளம்

உந்தன் தொடுகையிலே

உணர்கிறேன் மின்சாரம்

தினந்தோறும் உன்னால் நான் சிறக்கின்றேனே

இறக்கையொன்றும் இல்லாமல் பறக்கின்றேனே!

*

கண்களை கவர்ந்தே இழுக்கும்

வண்ணங்கள் என்னிடம் உண்டு

மலரும் நான் இல்லை

மொழிந்திடு முடிந்தாலே!

அழகாக வானில் பறப்பேன்

அண்ணாந்து பார்த்திட வைப்பேன்

பறவையும் நான் இல்லை

பகர்ந்திடு முடிந்தாலே!

என்மீது காதல் கொண்டோர்

எனக்காக உயிரும் தந்தோர்

எத்தனை பேரென்று

கணக்கே தெரியவில்லை!

என்பேர் என்பேர் என்னென்று நான் சொல்லவா?

*

இருபத்து நான்குக்கும் எனக்கும்

இருக்குதொரு சம்பந்தம் தானே

கடிகாரம் நான் இல்லை

கண்டுபிடி முடிந்தாலே!

சக்கரம் என்னிடம் உண்டு

செல்லாத ஊரே இல்லை

வாகனம் நான் இல்லை

விடை சொல்லு முடிந்தாலே!

என்னாலே கர்வம் கொண்டோர்

பின்னாலே அணி திரண்டோர்

எத்தனை பேரென்று

எண்ணிட முடியாதே!

என்பேர் என்பேர் என்னென்று நான் சொல்லவா?

*

(குறிப்பு:உன் பேரே தெரியாது உன்னை கூப்பிட முடியாது என்ற பாடல் மெட்டு)
எங்கேயும் எப்போதும் படத்தில் வரும் பாடலில் கடைசி வரை அது என்ன பேர் என்று சொல்லவேயில்லை!(பாட்டில்)

அந்த கடுப்பிலேயே இந்த பாட்டை எழுதினேன்.நானும் சொல்லவேயில்லை!ஆனா நீங்க கண்டு பிடிச்சிடுவீங்கன்னு தெரியும்!

மெட்டுப்பாடல்கள்-30

தாமரையே தாமரையே

தந்தேன் இந்த சூரியனை

தலைசாய்த்து மெளனம் காக்காதே

ஒரு தேவதை போல் நீயே வியக்கும் வண்ணம்

உன்னை தினந்தோறும் அலங்கரிப்பேன்

*

உனை நானாக எனை நீயாக

அடி எந்நெஞ்சம் எப்போதும் நினைக்கிறது

தள்ளி ஓடாதே தடை போடாதே

ஒரு பொன்மஞ்சம் இப்போது அழைக்கிறது

இரவோடு இரவாக நிலவுக்கு ஏறி செல்வோம்

காதோடு காதாக நிலவுக்கு நம்கதை சொல்வோம்

நாம் உலகம் எங்கும் ஊர்வலம் போவோம்

ஆகாய மேகத்தில்...

*

உயிர் நீதானே உடல் நான்தானே

உடல் மேல் உயிர்வந்து ஒன்றாதோ

மெல்ல தீண்டிவிடு என்னை தூண்டிவிடு

தூண்டாத தீபம் சுடர் விடுமோ?

இரவோடு இரவாக நிலவுக்கு ஏறி செல்வோம்

காதோடு காதாக நிலவுக்கு நம்கதை சொல்வோம்

நாம் உலகம் எங்கும் ஊர்வலம் போவோம்

ஆகாய மேகத்தில்...

*

(குறிப்பு:வெண்ணிலவே வெண்ணிலவே விண்ணை தாண்டி வருவாயா?விளையாட ஜோடி தேவை என்ற பாடல் மெட்டு)

மெட்டுப்பாடல்கள்-29

அத்து மீறுதே…அன்பே...

ஆசை அலை அத்து மீறுதே...

ஆயிரமாயிரம் உணர்வுகள் கிளர்ந்து

அத்து மீறுதே...அன்பே...

ஆசை அலை அத்து மீறுதே...

சிறை வசமான

பிறை நிலா ஒன்று

மேகம் உடைத்து வெளியிலே-இந்த

பூமியை பார்த்த நொடியிலே...

*

கதிரவன் ஒளியை நட்ட நடுநிசியில் உணர்கிறேன்

காற்றை புணரும் ஒரு மெளனம் உணர்கிறேன்
சில்வண்டு ரீங்கரிப்பில் மெல்லிசை உணர்கிறேன்

சொல்லில் சொல்லவொண்ணா-

இன்பத் தொல்லை உணர்கிறேன்!

என்னை காண்கிற சந்தர்ப்பம் நேர்ந்தால்

கண்களை தாழ்த்தி கடந்து போ-அடி

உந்தன் கொலுசு பாதங்களினால்

இதயம் நசுக்கி நடந்து போ

மங்கும் விழிகளில் மலரும் முகங்களில்

என்முகம் எதுவென மறந்து போ

*

முற்றும் போட்ட பின்பும்

கதை தொடருதே

முள்ளென்று தெரிந்தும்

கொடி படருதே

என் செய்வேன்

என் செய்வேன்?

என் இறைவா...

கொடுவாள் கொண்டு வெட்ட

பீறிடும் இளநீர் போலவே

உனது ஞாபகங்களினாலே...

*

(குறிப்பு:அலை பாயுதே...கண்ணா... என் மனம் அலைபாயுதே என்ற பாடல் மெட்டு)

மெட்டுப்பாடல்கள்-28

கார்மேகம் சூழும் வரை

மயில் ஆடிடத்தான் நினைக்கும்

என் தேகம் வாழும் வரை

மனம் பாடிடத்தான் நினைக்கும்

*

ஒரு மூங்கிலின் பாடல்தான்

இந்த தென்றலின் தாலாட்டோ?

ஒரு பூமியின் பாடல்தான்

அந்த திங்களின் சீராட்டோ?

ஒரு காதலின் பாடல்தான்

எந்த உயிருக்கும் பாராட்டோ?

*

ஒரு புல்லின் பாடலுக்கு

இந்த பனித்துளி பரிசு தரும்

ஒரு பூவின் பாடலுக்கு

அந்த தேன்துளி பரிசு தரும்

ஒரு வாழ்வின் பாடலுக்கு

எந்த தேடலும் பரிசு தரும்

*

(குறிப்பு:ஓர் ஆயிரம் பார்வையிலே உன் பார்வையை நான் அறிவேன் என்ற பாடல் மெட்டு)

மெட்டுப்பாடல்கள்-27

மலரே மலரே உன் வாசம்

மேகக் குழலாள் தூதுவிட

மறந்தாள் போலும் மங்கையவள்

எனக்கன்று ஜலதோஷம்

*

நான் பனிவிழும் இரவுகள் யாவிலும்

அவளை எண்ணியே விழித்திருந்தேன்

தேன் சிந்திடும் பூமர நிழலிலும்

உறக்கம் இன்றியே படுத்திருந்தேன்

கனா காண ஏங்கினேன்

கண்ணோடு இமை சேருமா?

கானல் தானே வாங்கினேன்

என்னோடு சுமை தீருமா?

கண்ணன் இங்கே ராதை எங்கே?

*

என் தேவதை தண்ணீர் கேட்டால்

பூவின் மொட்டுகள் உடைத்திடுவேன்

ஓர் பார்வையை பதிலாய் தந்தால்

நூறு கவிதைகள் படைத்திடுவேன்

வரையறை இல்லையே

என் அன்பை நான் சொல்லவே

தலையணை வெள்ளமே

என்னோடு அவள் இல்லையே

கண்ணன் இங்கே ராதை எங்கே?

*

(குறிப்பு:மனசே மனசே குழப்பமென்ன இதுதான் வயசே காதலிக்க என்ற பாடல் மெட்டு)

மெட்டுப்பாடல்கள்-26

அல்லி மலரே அல்லி மலரே

சந்திரனை மறந்தாயோ?

சந்திரனையே மறந்துவிட

எப்படித்தான் துணிந்தாயோ?

பல வாசமலர்களை பார்ப்பது என்னவோ உண்மைதான்

என் காதல் நெஞ்சம் கேட்பது என்னவோ உன்னைதான்

உனை எண்ணியே உடல் தேய்கிறேன்

உனக்காகவே உயிர் வாழ்கிறேன்

*

எந்தன் காதலை நானும் சொல்ல

எந்த மொழியிலும் வார்த்தை இல்லை

என்னை நீயும் உதறித் தள்ள

இந்த உயிருக்கு வாழ்க்கை இல்லை

கை ஓங்கும் முன்பாக

அடித்தார் போல் கத்தாதே

பூத்தொடுக்கும் பொன்விரலால்

என் விழியை குத்தாதே

உன்னோடு அடைக்கலமாக

என்னுள்ளம் இருக்கிறதோ?

அதனால்தான் ஏளனமாக

உன்பார்வை சிரிக்கிறதோ?

*

இதய குளத்தில் நீ வந்து குளித்தாய்

நூறு இன்பம் எப்படி விளிக்க?

கரையில் ஏறி நஞ்சினை தெளித்தாய்

கோடி துன்பம் எப்படி விளிக்க?

எதைஎதையோ படித்தேனே

பெண்ணுள்ளம் படிக்கலையே

பெண்ணுள்ளம் படிக்காத

என்னுள்ளம் வெடிக்கலையே

எது ஒன்று செய்தால் என்னை

பூரணமாய் நம்பிடுவாய்?

என்னை விட்டு விலகிப்போகும்

காரணத்தை சொல்லிடுவாய்!

*

(குறிப்பு:வண்ண நிலவே வண்ண நிலவே வருவது நீதானா? என்ற பாடல் மெட்டு)

மெட்டுப்பாடல்கள்-25

உந்தன் பிம்பம் விழுகின்ற பனித்துளி முத்தாகும்

உந்தன் அழகை காண்கின்ற மனமோ பித்தாகும்

ஒரு வானவில் உருவாக்குவேன்

உன் தாவணி நூல் கிடைத்தால்

தலைவியே நீ உரைத்தால்

*

அசையும் தென்னங்கீற்றோடு

உந்தன் அழகு குழலாடும்

முதன்முறை முத்தம் நான் கொடுத்த

நினைவுகள் வந்து நிழலாடும்

பொருள் கொடுத்து பூக்கச்சொன்னால்

பூக்கள் என்றும் பூக்காது

காசு பணம் எதனையுமே

காதல் என்றும் கேட்காது

நம் காதல்தான் இந்த பூமிக்கு

முன்மாதிரி ஆகுமே

என்றும் வாழுமே

*

இருவரும் இணையும் பொழுதுகளில்

தென்றலும் மத்தியில் நுழையாது

தேனொளி நம்மில் வீசிடவே

திங்களும் வருமே அழையாது

காரிகையே உன் உருவை

தூரிகை கொண்டா தீட்டுவது?

பேரழகை சித்திரத்தில்

எவ்விதம் வரைந்து காட்டுவது?

உயிர்ப் பூவினை உனக்காகத்தான்

இதுநாள் வரை சுமந்திருந்தேன்

உனக்கதை பரிசளிப்பேன்

*

(குறிப்பு:எங்கள் வீட்டில் எல்லா நாளும் கார்த்திகை என்ற பாடல் மெட்டு)

மெட்டுப்பாடல்கள்-24

கண்மணியே கண்ணுபடும்

ஒரு திருஷ்டிப் பொட்டு வேணுமடி

பிரம்மனுக்கே ஆச்சரியம்

தன் சிருஷ்டி கண்டு தோணுமடி

யாரும் காணாத உருவாய்

எந்தன் கண்ணோடு வருவாய்-அடி

உன்னோட திருவாய்

தப்பாமல் தருவாய்

*

ஊரு கண்ணு பூரா

உம்மேலையும் எம்மேலையும்

காதுபட என்னென்னவோ

முன்னாலையும் பின்னாலையும்

ஐயய்யோ அடுக்காது

அவனுக்கே பொறுக்காது

அவுக பேச்செல்லாம்

இனிமே எடுக்காது

தங்கத்துல செஞ்சிபுட்டேன் தாலி

தங்கமே யாரு செய்வா கேலி-அடி

உன்னை சுத்தி இன்னும் கூட

ஏண்டியம்மா வேலி

*

காதுல முத்தங் கொடுத்து

உசிரையே கரைச்சவளே

தலையில மிளகாய

சொல்லாமலே அரைச்சவளே

உன்னோட குறும்பெல்லாம்

எந்நாளும் மறக்காது

என்னோட இதய சன்னல்

யாருக்கும் திறக்காது

அசையும் பச்சைவயல் நாத்து

அதைத்தான் தழுவும் தென்றல் காத்து-அடி

நீயோ நாத்து நானோ காத்து

போதும் கதவ சாத்து!

*

(குறிப்பு:ராசாவே உன்னை நம்பி ஒரு ரோசாப்பூ இருக்குதுங்க என்ற பாடல் மெட்டு)