என்னவளே
மனசில் என்ன
பெரிய கொம்பன் என்று
நினைப்பா உனக்கு? என்கிறாய்
அடடா
மூக்குக்கொம்புக்காக
கொல்லப்பட்டு
அழிந்துபோன
காண்டாமிருகத்தை
நினைவூட்டுகிறாயோ?
இந்த வலைப்பூவில் குழந்தைகள் மற்றும் பெரியவர்களுக்கான எனது படைப்புகளை பகிர்ந்து கொள்வதில் பெருமகிழ்ச்சி...
திங்கள், 21 மே, 2012
குறுஞ்செய்திகள்-239
என்னவளே
எனது ஊர் எது? என்று
என்னிடம் கேட்பவர்களிடம்
என்ன பதிலை சொல்வேன்
நான்?
அடடா
அம்மாவின் சொந்த
ஊரையா?
அப்பாவின் சொந்த
ஊரையா?
உத்தியோக நிமித்தமுள்ள
இவ்வூரையா?
குறுஞ்செய்திகள்-238
என்னவளே
எல்லோருக்கும்
முதல் படைப்பு
மிகச் சிறப்பு! என்றேன்
அடடா
மூத்த மகளைத்தானே
குறிப்பிடுகிறீர்கள்
என்று
இப்படியா
கிண்டலடிப்பாய்?
ஞாயிறு, 20 மே, 2012
குறுஞ்செய்திகள்-237
என்னவளே
அனுபவமிருந்தும்
அணைக்கத் தெரியாமல்
அடிக்கடி
அவதிக்குள்ளாகிறேன்!
அடடா
இதை முதலில்
கற்றுக்கொள்ள
வேண்டும்
இந்த செல்லிடப் பேசியில்!
ஞாயிறு, 13 மே, 2012
மா...
மா...
எனக்கு மிக மிக
பிடித்த பழம்!
உண்ணாமல்
நினைத்து பார்த்தாலே
உமிழ்நீர் சுரக்கும் என்பதாலோ
தமிழ் இலக்கியத்தின்
முக்கனிகளுள்
முதற்கனி என்பதாலோ
கடவுளர்களின்
உணவென்று
பண்டைய வேதங்களில்
குறிப்புகள் உள்ளதாலோ
உலக அளவில்
பெருமளவில்
விளைவிக்க படுவதாலோ
சர்க்கரை புரதம்
உயிர்ச்சத்துக்கள்
நிறைந்து உள்ளதாலோ
என்று நீங்கள்
நினைத்திருந்தால்
நான் பொறுப்பல்ல!
உச்சரிக்கும் போது
என் அம்மாவை
நினைவு படுத்துவதால்
மா...
எனக்கு மிக மிக
பிடித்த பழம்!
இதற்கு குழுசேர்:
இடுகைகள் (Atom)